قصيدة: مازال في لبنان تريس (رجال)..تحية خاصة للمجاهدين في لبنان
 

السلام عليكم ورحمة الله وبركاته

تحيةً للمقاومة ولشعب لبنان البطل

مازال في لبنــــــــــــــــــــــــــــــــان تريس يفزعوا في ساعة الدعكان

لثار العرب

مازال فيه رجـــــــــــــــــــــــــال تريس يفزعوا وقتا يصير قتال

شجعـــــــــــــان مافيهم ولا ذلال خشاشة لهيب النار ع العدوان

عرب بالعقيدة يعرفوا الآجـــال عند الكريم اللي خلق الانسـان



مازال فيـــــــــــــــــــــه اجواد تريس يفزعوا وقتا يصير عناد

جاهزين للمعارك دوم باستعداد لا يمـــــــــــاينوا لا يعرفوا خيان



مازال فيه عويـــــــــل قلالة منام الليل لإسرائيـــــــــل

عيترون تشهد هي وبنت جبيل كم من مدرع عقبوا عثــــــــان

وحيــــفا وعكا وصفد و الجليل خلوهن خلا خالى من السكــان

تريس وزنهم فالوطن موش قليل التاريخ يشهد مو كلام لســان



مازال فيه قرومـــــــــــــــــــــــــــه تريس طرز من صدوا جحافل روما

من صور لبعلبك حربهم مرسومه ومن طرابلس تهلب على الليطان

وفي وسط حيفا يكبروا مفحومه دخانهــــــــــا يرقى تقول اعلان

اليهودي يقلوا ياقريني نومه ويعرف انه ماعاد فيه أمــــــــــان

صواريخ منتظمات في منظومة تصيب الخضيرة من بعد بيسان



مازال فيه صقورة يخشوا على العدوان في الناقـــــــــــورة

على الله تبقى الكافرة مقهـوره وتل ابيب تخرب بين آن و آن

ويبقى علم الاسلام ضاوي نوره يرفرف بعد غيبة سنين زمان



يرفرف على حطيــــــن وعكا ويـــافا وكل فلسطيـــن

ياسامع معانا قول قول آمين القدس ترجع للعرب عنوان



وان شاء الله على درب النصر سائرون



معاني بعض الكلمات في اللهجة العامية الليبية في منطقة برقة :

تريس: رجال.

الدعكان: لحظة التحام المعركة مع العدو.

لا يمـــــــــــاينوا: لا يهادنوا العدو.

عويـــــــــل: مصطلح مجازي يعني الشباب.

مدرع عقبوا عثــــــــان: مدرعات تحترق.

قرومـــــــــــــــــــــــــــه: الفرسان الشجعان.

تريس طرز من صدوا جحافل روما: يشبههم بالمجاهدين الليبين في الحرب ضد الطليان.

ياقريني: ياصديقي.

الكافرة: دولة اسرائيل.

مشكـــــــــــور اخــــــــــوي

الله يعطيك الف عاافيه

ننتظر الجـــــــــديد

دمـــــــــــــت بــــــــــــــود

مشكووورة اختي على الرد والمرور

كلماتك رائعة ..شكرا لك أخى الكريم

مشكورين على الرد و المرور

مشكور يا أخي عن هذه القصيدة

تحيَّة طيِّبة لأخي الكريم

فقد أثلج صدري بروحه

الشفافة الراقية

تحيَّاتي

مشكورين على الرد و المرور