القلم الذهبي - وصيه ام للزجال محمد سرور

القلم الذهبي (https://www.hanaenet.com/vb/index.php)

- منتدى الشعـر (https://www.hanaenet.com/vb/forumdisplay.php?f=23)

- - وصيه ام للزجال محمد سرور (https://www.hanaenet.com/vb/showthread.php?t=12963)

وصيه ام للزجال محمد سرور

(وصيه ام) للزجال محمد سرور

وصيه ام

الحزن فوق وشى طارح
من كتر طول البعاد
حسى فى كل المطارح
بيقولى فين الولاد

يرد صوتى فى حشايا
الدنيا ساقيه وتلاهى
لوحدى أكمل عشايا
واعد عمرى اللى باقى

الفجر يدن واكبر
والوحده قتلت سنينى
هنت ربيت واكبر
والولد فاتنى ونسينى

ما بين جدار وحدتى
وعصايا شايله همومى
بقت الدموع صحبتى
تشاركنى يومى ونومى

ع ادعلكوا بالستر ياللى
اخدتوا عمرى وشبابى
بحلم وحلمى تملى
تدق خطوتكوا بابى

واشوفكوا حوليه مره
واغسل فى توبكوا المواجع
انسى حياتى اللى مره
والحزن يحلف ما راجع

يا اللى انتوا بعتوا النهارده
أنا عشت أذوق حياتكم
صابره وساكته وراضيه
امتى هاحس بحنانكم

يا كحل عينى ونورى
عكازى فى الدنيا محنى
امتى هتيجوا تزرونى
كرباج بعادكوم دبحنى

موتوا فى المشاعر
وبأيدى عشتوا فى هنايا
والجرح فى القلب واعر
لما يكون من ضنايا

بأديكوا سطرتوا موتى
وانا عايشه لسه الحياه
وانا مهما انده بصوتى
ما حد سامع ندايا

بأديى حضرت كفنى
ووصيه ما تغسلونى
وان حد فى منامه شافنى
متجوش فى قبرى تزرونى

الزجال
محمد سرور